KMSH mbyll xhamitë për Natë Kadri: Të gjithë në shesh!

Pershendetje,

Me falni ku e lexuat dhe nga e nxorret qe xhamite do mbyllen? Qe do kete program do kete po kjo puna e xhamive nga doli?

Kam nje pytje: Po mbaron ramazani dhe kete ceshtje gjetet qe te flisni per ramazanin?

Me vjen keq por e them me gjith goje qe jeni ftnexhinje. Allahu jua shperblefte sikurse po beni dhe punte.

Perplasje e bukur ( GULENXHINJE-FITNEXHINJE )

Turp!

Ti mund te kesh te drejte per cka the dhe ti dhe ata qe te kane folur ty keni te drejte te mendoni keshtu. Atehere, imamet qe kane bere thirrje ose nuk flasin te verteten, ose nuk flasin dot se humbin postet, ose nuk e dikan mire fene. Asnje nga keto nuk me duket e llogjikshme. Besoj ja vlen te shihet aktiviteti se si do te organizohet. Do jete i tipit tallava apo program shpirteror. Nese do jete shpirteror a ka gje me te mire se te mbledhesh njerezit ate nate. Sa per tonin e te mbushurit mendjen, zgjidheni kete semundjen e te paturit te drejte medoemos se fitoni antipati te njerezit. Leri njerezit te shprehen se ska lezet 🙂 😉

Ne te gjithe boten islame njerezit mblidhen ne xhamine me te madhe qe kane dhe bejne adhurime ne keto nete ramazani. Ne cilen xhami do e besh kete ne tirane? Te pazari? Apo ne qender? Epo kur ske ku e ben clidhje ka a e ben ne xhami brenda apo jashte saj, ne nje vend qe fal dhe bajramin. Problemi eshte cfare ben ne Naten e kadrit e jo vendi ku falesh. Kur ske xhami nuk ka zgjidhje tjeter. Sa per Sajmirin, besoj nuk po shkelqen shume per ramazan. Ti dalan ka rrezik fales vetem pas Sajmirit se te gjitha xhamiat ne tirane jane plot jete, plot adhurime e plot besimtare si per teravi si per namaze nate. Sajmiri po te ishte burre mos ta bente fare lajmerimin e jo te beje ironi ne hutbe se spara behen ironite ne hutbe Dalan, Blerim, Sul, etj 😉

E keqja e internetit eshte qe u jep te gjitheve te njejten mundesi per te folur, pavaresisht nga diferencat ne merita qe njerezit kane.

Ti Besimtar i ke hy i çik m’hak Sajmirit ketu dhe xhematit te Pazarit. Pastaj ben edhe nje gabim tjeter, kur i sheh xhamite si konkurrente te njera-tjetres. Por me e rendesishme eshte qe anashkalon nje detaj me rendesi: ramazani (dhe feja ne pergjithesi) nuk eshte qe te shkelqesh para njerezve, por eshte per te shtuar drojen prej Zotit dhe per te permiresuar marredhenien e robit me Zotin. Kjo pastaj sjell nur ne fytyren e robit, por nuri nuk ka lidhje me shkelqimin qe thua ti.

Shkelqimi, ku ti perqendrohesh dhe e perdor si kriter per matjen e suksesit ne punen e imameve, eshte diçka e jashtme, eshte nje perceptim ne syte e te tjereve, eshte nje imazh qe projektohet ne nje pale te trete spektatore. Ky shkelqim eshte nga problemet me te medha qe kane disa prej imameve sot. Ne menyre absolute as besimtari i thjeshte, as imami nuk duhet te rendin pas nje shkelqimi te tille. Muslimani ka synim kryesor zemren e tij dhe gjendjet ne te cilat ajo kalon. Disa imameve dhe shume besimtareve pas tyre, me sa duket, i ka rreshkitur kjo gje nga vemendja dhe hera-heres perqendrohen tek imazhi qe japin. Sa per shembull, ka prej tyre qe duan te rezervojne safet e para te namazit te Bajramit vetem per ata me kollare, qe te mos stonojne anash atyre qe vijne me qeleshe. Njerez te tille, jo vetem qe nuk duhet te jene ne poste drejtuese, por eshte e mira te marrin ne hesap veten e tyre seriozisht.

Tani, dalja ne bulevard per Nate Kadri ne kete drite duhet pare: si nje nisme e atyre personave qe botekuptimin fetar e kane pak te ngushte e ceket. Nese arsyeja do te ishte thjesht “s’ka vend ne xhami”, nje propozim i mire per t’u mbledhur bashke do te ishte “hajde ikim falemi t’gjithe bashke me i ven t’hapet ku s’na shofin shume njerez”. Por jo, te falurit ne mes te Tiranes tregon qarte deshiren per tu dukur. Kjo nuk eshte menyra e duhur per te pastruar zemren. Kjo nuk eshte as menyra e duhur per te bere davet.

Duke thene ne fillim se nje ene nuk mund te jape ate qe nuk e ka brenda, po shtoj se ne vija te trasha, lidhur me pjesen jopraktikante ose jobesimtare te popullit, nje menyre e mire daveti me duket qe imamet te edukojne xhematet qe gjithsecili te behet qytetar i ndergjegjshem, njeri i dobishem per te tjeret, njeri ku te tjeret te gjejne mbeshtetje, siguri, qetesi, fjale te buta, sjellje shembullore, kujdes per te mos rene ne gabim, kujdes per te qene moralisht korrekt, etj. Shkurt, besimtari te kultivoje virytet profetike tek vetja. Nje njeri i virtytshem nuk ka nevoje t’i therrase njerezit, se i vijne vete; nje xhemat i virtytshem pastaj, nuk do te kishte nevoje te priste naten e 27-te per t’i kujtuar njerezit se eshte ramazan apo se jemi edhe ne ketu.

Me dy fjale, kjo dalja ne shesh eshte perpjekje per paraqitje, por pa permbajtje.

Para pak minutash, një grup poterexhinjsh që po i bien përqark mëhallës sime duke i rënë dajres, lodrës, gërrnetës e cyrles si për “ditë Kadri” (se Nata s’ka mbërritur ende) më kujtuan editorialin e E-zanit për këtë punë. Dhe s’mu ndenj pa ardhur të shkruaj.

Dajret e cyrlet, por edhe njerëzit e shumtë – duke përfshirë edhe ata që nuk janë besimtarë praktikues – që vijnë në xhami për Natën e Kadrit, janë shprehje e një tradite shqiptare (s’di të them nëse është e gabuar apo jo) që këtë Natë nuk e përjeton vetëm në mënyrë të brendshme, të qetë e intime. Së paku teravitë nuk janë vetëm intime, por mbartin edhe karakter shoqëror, sepse tradita që prej kohës së Omerit (r.a.) është që njerëzit të falen së bashku.

Duket se KMSH ka dashur t’i përgjigjet kësaj tradite dhe njerëzit që do të faleshin në trotuar rreth xhamisë së Ethem Beut ka vendosur t’i thërrasë në shesh.

Prej shkrimit tuaj, dikush kishte kujtuar se Ahmed Najna është ndonjë këngëtar dhe më pyeti për këtë. S’e pata të lehtë t’ia shpjegoj se e ka keqkuptuar. Në fakt, Ahmed Najna është vërtet njëri ndër recituesit më të njohur të Kuranit për ata që pëlqejnë “lartësinë e oktavëve” të stilit të Abudlbasid Abdussamedit, dhe ftesa për Ahmed Najnën nuk mund të trajtohet si një ftesë për Sami Jusufin apo, ç’të them, për Kozma Dushin ose Ledina Çelon. 😀 😀

Gjithsesi, të gjitha këto nuk do të kishin rëndësi nëse do të trajtoheshin me njëfarë relativizmi. Po kur gjërat absolutizohen dhe KMSH-ja goditet për të gjitha ç’bën, atëherë mbetet vetëm shprehja “hec e Cen e kruhena”. Besueshmëria humbet dhe ata që thonë se “këta të E-zanit nuk janë parimorë, por kanë përplasje personale me KMSH-në”, në mos të kenë të drejtë, së paku të kenë prova të mjaftueshme për të pretenduar që të kenë të drejtë.

Prandaj sugjerimi im miqësor mbetet që edhe kritikat ndaj KMSH-së të jenë në respektim të shprehjes “gjella me kripë e kripa me karar”. Pak gjëra ka KMSH-ja për t’i kritikuar, madje ashpër? Kur e harxhoni “plumbin” edhe për kaq gjë, atëherë ç’ju mbetet për gjërat e mëdha? Kush do t’ju besojë?

Dhe e fundit, por që për mua është më e rëndësishmja, është përpjekja (ndoshta e paqëllimshme) për ta kthyer E-Zanin në standard. Problemi më i rëndë që ka bashkësia myslimane si në Shqipëri, ashtu edhe më gjerë, është ekskluzivizmi. Selefinjtë (apo të vetëquajturit të tillë) janë ekskluzivistë dhe mëtojnë të vërtetën absolute, ndërsa më e pakëta që thonë për të tjerët, është: “Ka disa mendime, por mendimi më i saktë është se… (dhe thonë mendimin e vet).” Gylenistët po ashtu janë ekskluzivistë në qëndrimet e tyre, pavarësisht se ekskluzivizmi i tyre është më shumë pragmatist se teorik. Ndërsa E-zani, me qëndrimet absolutiste, po ua kalon të gjithëve duke synuar të kthehet në standard absolut edhe më shumë se selefinjtë, pasi as nuk denjon të thotë “ka disa mendime, por më i sakti është se…”, por shpreh vetëm qëndrime të prera që nuk lënë asnjë hapësirë për relativizim dhe që çojnë në diskutime të ashpra e përplasje të kota e të ndezura nëpër komente të tejzgjatura vetëm në inate tipike shqiptarësh.

Kam vënë re aty këtu nëpër shkrime se, për shembull, keni kritikuar “Bedriun” (Për universitetin e kam llafin) për organizim të takimeve të studentëve të gazetarisë me Blendi Fevziun apo Rudina Xhungën, pasi keni pasur vërejtje për cilësinë e këtyre gazetarëve. Unë personalisht jam shumë dakord që këta nuk janë gazetarë kushe di se çfarë. Së paku për Rudinën, jam i sigurt që s’është as gazetare. 🙂 🙂 S’besoj se ka njeri dyshim që mua s’më pëlqejnë Lajet e “Zërit të Popullit” dhe të ZPTV-së (a TCH, siç i thonë) dhe as dredhësit që në 97-ën punonin tek Koha Jonë e tani tek Klani. Po pavarësisht dëshirës sime që studentët e gazetarisë të takonin, për shembull, Alban Balën apo në makar edhe Çelo Hoxhën dhe jo Rudina Xhungën dhe Blendi Fevziun, nuk mund ta pohoj me absolutizëm këtë, sepse nuk jam unë standardi për të përcaktuar se cili është gazetari i mirë dhe cili gazetari i keq. Nëse preferenca ime është personale, e kuptoj shumë mirë çdo departament gazetarie në çdo universitet shqiptar që organizon një takim me gazetarët që njihen si të suksesshëm nga të tjerët dhe jo vetëm nga unë.

E mora thjesht si shembull, po mund të gjeja edhe shembuj të tjerë. Kjo vlen edhe për këtë shkrim (apo trakt) që keni publikuar më sipër. Keni ngritur një kritikë nisur nga ndjesi e qëndrime relative e individuale dhe e keni absolutizuar qëndrimin sikur të ishte qëndrim absolut islam kundrejt një KMSH-je të përbërë nga ca “tyça” që s’marrin erë nga Feja e s’dinë ç’bëjnë. Ndërkohë përjetimi dhe perceptimi i Natës së Kadrit në shoqërinë shqiptare është shumë i larmishëm dhe njerëzit i gjykojnë gjërat në mënyra të ndryshme.

Aq më tepër që xhamitë mund të mbyllen për teravi (pjesa shoqërore), por nuk i mbyll kush për namaz nate (pjesa intime). E aq më tepër që së paku në Xhaminë e Kokonozit na njoftuan se meqë ka pleq që u duhet të ndërrojnë abdest shpesh, kjo xhami do të qëndrojë e hapur dhe imami do të jetë në krye të detyrës për t’u prirë “invalidëve potencialë”. Me këtë rast, në shembullin e Parisit që ka një “Catedrale des Invalides”, edhe në në Tiranë do të kemi një “Xhami të Invalidëve” që do t’u shërbejë pleqve që s’mbajnë dot abdestin. 🙂 🙂 🙂 S’e mora vesh nëse mbajtja hapur e Xhamisë së Kokonozit bëhet “me direktivë” nga KMSH-ja apo është thjesht përplasja e radhës e “xhematit” me KMSH-në, po nëse ka qenë kjo e fundit, do të më vijë keq që përplasja me KMSH-në të marrë përmasa kaq serioze duke u shfrytëzuar si sebep një ndërrim abdesti. Mbaj mend se më kanë treguar dikur që për një çështje të ngjashme urine e abdesti po diskutonin ca hoxhallarë në Spanjë në kohën kur Granada e Kordova po binin në duart e ushtrive të armikut.

Aq më tepër kur përdoren shprehje si: “…Gjejmë rastin ti kërkojmë krerëve të KMSH-së të reflektojnë për të hequr dorë nga ky profil që po përpiqen të krijojnë, por t’i shtrohen punës për…” Kjo të kujton vetëm Sillon që u kujtonte studentëve të shkollës së qenve: “Veri gishtin kokës, lexo veprat e Partisë nga njëra anë dhe librat e qenve nga ana tjetër!” 🙂 🙂 🙂

Ç’të mbetet, i diskutojmë sot për iftar tek “E Për7shmja”, ose te “Çajtorja”, siç i thonë rëndom gylenistët. 🙂 🙂 Kalofshi mirë dhe agjërim të mbarë!